ಭಾವಗೀತೆ: ಮುಂಗಾರಿನ ಅಭಿಷೇಕಕೆ...

ಮುಂಗಾರಿನ ಅಭಿಷೇಕ
- ಜಿ.ಎಸ್.ಶಿವರುದ್ರಪ್ಪ

ಮುಂಗಾರಿನ ಅಭಿಷೇಕಕೆ ಮಿದುವಾಯಿತು ನೆಲವು
ಧಗೆಯಾರಿದ ಹೃದಯದಲಿ ಪುಟಿದೆದ್ದಿತು ಚೆಲುವು//

ಬಾಯಾರಿದ ಬಯಕೆಗಳಲಿ ತಳತಳಿಸುವ ನೀರು
ಕಣ್ಣಿಗೆ ತಣ್ಣಗೆ ಮುತ್ತಿಡುತಿದೆ ಪ್ರೀತಿ ಅಂತ ಹಸಿರು//

ಮೈ-ಮನಗಳ ಕೊಂಬೆಯಲಿ ಹೊಮ್ಮುವ ದನಿ ಇಂಪು
ನಾಳೆಗೆ ನನಸಾಗುವ ಕನಸಿನ ಅರಳುವ ಹೂ ಕಂಪು//

ಭರವಸೆಗಳ ನೇಗಿಲ ಗೆರೆಗಳೆ ಕವನ
ಶ್ರಾವಣದಲಿ ಹೊಲಗಳಲ್ಲಿ ತೆನೆದೂಗುವ ಜೀವನೋತ್ಸಾಹ ಗಾನ//